Deepika.com | Largest Malayalam Internet Read

ജോജു ജോർജ് നായകനായെത്തിയ വരവ് സിനിമയ്ക്ക് നെഗറ്റീവ് റിവ്യൂ പറയുന്നവർക്ക് മറുപടിയുമായി ചിത്രത്തിന്‍റെ സംവിധായകൻ ഷാജി കൈലാസ്. എന്‍റെ മേക്കിംഗിൽ കുത്തിക്കയറണ്ടെന്നും നിങ്ങൾ ജനിക്കുന്നതിന് മുൻപേ സിനിമയെടുത്തയാളാണ് താനെന്നും അദ്ദേഹം പറഞ്ഞു. മകൻ റുഷിന്‍റെ യുട്യൂബ് ചാനലിലൂടെ ആയിരുന്നു അദ്ദേഹത്തിന്‍റെ പ്രതികരണം.

അശ്വന്ത് കോക്ക്, ഉണ്ണി വ്ലോഗ്സ് എന്നിവരുടെ റിവ്യൂവിന് ആണ് സംവിധായകന്‍റെ മറുപടി.

ടിവി സീരിയൽ പോലെ എടുത്ത പടങ്ങളൊക്കെ വൻ ഹിറ്റായിട്ടുണ്ടെന്നും മെയ്ൻ ആർട്ടിസ്റ്റിനെ മാറ്റി നിർത്തിയാൽ ആ പടം വൻ ഫ്ലോപ്പ് ആയിരിക്കുമെന്നും ഷാജി കൈലാസ് പറയുന്നു. "പറയട്ട് മക്കളേ.. ഇത്രയും നെഗറ്റീവ് വരാന്‍ അത്രയും ഭയങ്കര പടമാണോ ഇത്. നമ്മള്‍ സിനിമ ഉണ്ടാക്കി. കുറേ ആള്‍ക്കാര്‍ക്ക് ഇഷ്ടമായില്ല.

അതിങ്ങനെ വിളിച്ച് പറഞ്ഞോണ്ടിരിക്കുന്നത് എന്തിനാണ്. അപ്പോള്‍ അവരുടെ ഉദ്ദേശ്യം എന്താണ്? അവര്‍ക്ക് എന്നെ നേരിട്ട് വിളിച്ച് പറഞ്ഞൂടെ. ഈ സിനിമ ഇങ്ങനെയാണ്. അതിനി മാറ്റാന്‍ പറ്റില്ലല്ലോ. നെഗറ്റീവ് പറയുന്നവരോട് ഞാന്‍ അഭ്യര്‍ത്ഥിക്കുകയാണ്. എന്നോടൊപ്പമോ എഴുത്തുകാര്‍ക്കൊപ്പമോ അല്ലെങ്കില്‍ ഒന്നിച്ചോ ഇരുന്ന് സംസാരിക്കാം. പഴയ പോലെ ഫ്ലാറ്റ് ആയിട്ട് കഥ പറയാന്‍ എനിക്ക് താല്പര്യമില്ല.

അതുകൊണ്ടാണ് പുതിയ ട്രീറ്റ്മെന്‍റുകള്‍ വരുന്നത്. അത് കുറേ ആളുകള്‍ക്ക് ഇഷ്ടമാവില്ല. ഒരു വൈല്‍ഡ് സിനിമയല്ല ഞങ്ങള്‍ എടുത്തിട്ടുള്ളത്. സാധാരണക്കാരന്‍റെ കുടുംബ കഥ പറഞ്ഞതാണ്. അതിനകത്ത് റിവഞ്ച് കാര്യങ്ങളൊക്കെ വച്ച് ചെയ്തു. അത് 90s പടമാണ്. ഒരാള്‍ പറഞ്ഞത് വൃദ്ധ ഷോട്ടാണെന്നാണ്. ഒരു ക്ലോസപ്പ് വയ്ക്കുന്നത് വൃദ്ധ ഷോട്ടാവുമോ? എന്‍റെ മേക്കിങ്ങില്‍ അവരെന്നോട് കുത്തിക്കയറണ്ട.

ഞാന്‍ എന്‍റെ സ്റ്റൈലില്‍ പോട്ട്. ഞാന്‍ അപ്ഡേറ്റഡ് ആയിട്ടില്ലെന്ന് ആളുകള്‍ പറയുന്നു. ഞാന്‍ എന്നെ ആസ്വദിക്കുന്നത് ചില ഷോട്ടുകളിലാണ്. വീട്ടില്‍ ഇരുന്ന് ആസ്വദിച്ചാല്‍ പോരെന്ന് ചോദിക്കും. അത് കച്ചവട സാധ്യതയ്ക്ക് വേണ്ടിയാണ്. ഭയങ്കര ക്രൂഡായിട്ട് സിനിമ ചെയ്യാന്‍ എനിക്കറിയില്ല. ഡാര്‍ക്ക് ഫിലിം താല്പര്യം ഇല്ല. ഒരു എന്‍റര്‍ടെയ്നറാണ് ഞാന്‍ ഉദ്ദേശിച്ചത്. ചിലത് പാളിപ്പോകും, ചിലത് നന്നാവും. 'വരവ്' പാളിയെന്ന് ചിലര്‍. മറ്റുചിലര്‍ ഗംഭീരമെന്ന്.

എന്ത് ചെയ്യാന്‍ പറ്റും. ഒരു ഹോട്ടലില്‍ കയറുമ്പോള്‍ ചിലര്‍ ആ ടേസ്റ്റോടെ കഴിക്കും. ചിലര്‍ അത് കുറഞ്ഞു ഇത് കുറഞ്ഞു എന്നൊക്കെ പറയും. അതങ്ങ് വിട്ട് കൊടുക്കണം. കുറേ ആള്‍ക്കാര്‍ നല്ലതും കുറേ ആള്‍ക്കാര്‍ ചീത്തയും പറയും. അതെല്ലാം ബാധിക്കുന്നത് എന്നെയാണ്. പുതിയൊരു പടം ചെയ്യുമ്പോള്‍ അത് മാറ്റിയെടുക്കും എന്നാണ് എന്‍റെ വിശ്വാസം. നിങ്ങള്‍ പറഞ്ഞ രീതിയില്‍ മാറ്റി എടുക്കുമ്പോള്‍ എന്‍റെ കൂടെ നില്‍ക്കണം.

നിങ്ങളെന്തിന് അത് മാറ്റിയതെന്ന് ചോദിച്ച് കൊണ്ട് ആരും വരരുത്. നിനക്ക് നിന്‍റെ അഭിപ്രായം പറയാം. അത് മറ്റുള്ളവരിലേക്ക് അടിച്ച് ഏല്‍പ്പിക്കരുത്.എനിക്ക് ഭയങ്കര ഇഷ്ടമുള്ളൊരാളാണ് അശ്വന്ത് കോക്ക്. ഗംഭീരമായിട്ട് വിമര്‍ശിക്കും. പുള്ളിക്ക് വരവ് വര്‍ക്കായില്ല. ജോജുവിന്‍റെ കണ്ണിനെ കുറിച്ച് പറയുന്നുണ്ട്. അയാളുടെ അച്ഛന്‍റെ പേര് ചെമ്പ് കണ്ണന്‍ കോര എന്നാണ്. അത് അവര്‍ ഫോളോ ചെയ്തിട്ടില്ല.

അതാണ് കുഴപ്പം. ഇവരെല്ലാം ഒന്നിച്ച് വന്നാല്‍ നമുക്ക് സംസാരിക്കാം. ഒരാള്‍ക്ക് ഇഷ്ടപ്പെട്ടില്ലെന്ന് പറയുമ്പോള്‍ അപ്പുറത്ത് 100 പേര്‍ക്ക് ഇഷ്ടപ്പെടും. ഏറ്റവും കൂടുതല്‍ ചീത്ത കേട്ടിട്ടുള്ള ആളാണ് ഞാന്‍. അതൊന്നും എനിക്ക് പ്രശ്നമേ അല്ല. അവര്‍ക്ക് വലിച്ച് കീറാനും ചീത്ത പറയാനും അധികാരം ഉണ്ട്. അവകാശം ഉണ്ട്. പണം മുടക്കിയ കുറച്ച് ആള്‍ക്കാരുണ്ട്. പണം മുടക്കിയവരെ ഒന്നും ഇതൊന്നും ബാധിക്കരുതെന്നാണ്. സിനിമ റിലീസ് ചെയ്ത് ഒരാഴ്ച കഴിഞ്ഞിട്ട് നിങ്ങള്‍ എന്ത് വേണമെങ്കിലും പറഞ്ഞോളൂ.

ആള്‍ക്കാര്‍ക്ക് സിനിമയെ വിട്ടുകൊടുക്കൂ. ഒരാഴ്ച ആളുകള്‍ കാണട്ടെ. ഇത് തിയറ്ററില്‍ ഇറങ്ങിയ ഉടനെ റിവ്യൂ പറയുകയാണ്. കുറേ ആൾക്കാർ വരട്ടെ. കണ്ടിട്ട് പോകട്ടെ. എനിക്ക് ടിവി സീരിയൽ പോലെ ഒന്നും പടം എടുക്കാൻ അറിയില്ല. കുറച്ച് ഗുമ്മൊക്കെ വേണം. ചെറിയൊരു പാളിച്ച വന്നാൽ നിശിതമായി വിമർശിക്കുകയാണ്. ടെക്നീഷ്യൻമാരെ ഒന്നും പറയരുത്. 90's പടങ്ങൾ ഞാൻ നിർത്തി.

അസാധ്യമായ സിനിമകൾ വരും. ഇനി വരാൻ പോകുന്നതൊക്കെ ഇടിവെട്ട് ആയിരിക്കും. അതി ഗംഭീരമായൊരു തിരക്കഥയ്ക്ക് വേണ്ടിയാണ് ഞാൻ കാത്തിരിക്കുന്നത്. ടിവി സീരിയൽ പോലെ എടുത്ത പടങ്ങളൊക്കെ വൻ ഹിറ്റായി. മെയ്ൻ ആർട്ടിസ്റ്റ് ഉള്ളത് കൊണ്ട് മാത്രം ഓടുന്ന സിനിമകളുണ്ട്. അവരെ മാറ്റി നിർത്തിയാൽ ആ പടം വൻ ഫ്ലോപ്പ് ആയിരിക്കും.

ഷാജി കൈലാസി‍റെ തിരിച്ച് വരവ് ഉണ്ടായില്ലെന്ന് പറയുന്നവരോട് തിരിച്ച് വരാൻ ‍ഞാൻ എവിടേയും പോയിട്ടില്ല. നിങ്ങൾ ജനിക്കും മുമ്പ് സിനിമ എടുത്തയാളാണ് ഞാൻ. ഷാജി കൈലാസ് ബ്രാന്‍റ് ഒന്നും ഇല്ല". - ഷാജി കൈലാസ് പറഞ്ഞു.

കൊച്ചി: ‘ചുരുളി’ സിനിമയിലെ അസഭ്യ സംഭാഷണങ്ങളെക്കുറിച്ചുള്ള പരാതിക്കും പണം നല്‍കിയില്ലെന്നുമുള്ള നടന്‍ ജോജു ജോര്‍ജിന്‍റെ ആരോപണത്തിനും മറുപടിയുമായി ചിത്രത്തിന്‍റെ സംവിധായകന്‍ ലിജോ ജോസ് പെല്ലിശേരി. ചിത്രത്തില്‍ അഭിനയിച്ചതിന് ജോജുവിന് 5.9 ലക്ഷം രൂപ നല്‍കിയതിന്‍റെ രേഖകളടക്കം ഫേസ്ബുക്കില്‍ പങ്കുവച്ചാണ് ലിജോയുടെ പ്രതികരണം. സിനിമയില്‍ ഉപയോഗിക്കുന്ന ഭാഷയെക്കുറിച്ച് ജോജുവിന് നല്ല ബോധ്യമുണ്ടായിരുന്നുവെന്നും ചിത്രം ഇതുവരെ തിയറ്ററില്‍ റിലീസ് ചെയ്തിട്ടില്ലെന്നും ലിജോ ഫേസ്ബുക്കില്‍ കുറിച്ചു. അവസരമുണ്ടായാല്‍ ചിത്രം തിയറ്ററില്‍ റിലീസ് ചെയ്യുമെന്നും പെല്ലിശേരി വ്യക്തമാക്കി. സുഹൃത്തുക്കളായ നിര്‍മാതാക്കള്‍ക്കുണ്ടായ മനോവിഷമം കണക്കിലെടുത്താണ് ഈ വിശദീകരണമെന്നും കുറിപ്പിലുണ്ട്.

ചിത്രത്തില്‍ താന്‍ അസഭ്യം പറയുന്ന പതിപ്പ് അവാര്‍ഡിനു മാത്രമേ അയയ്ക്കൂവെന്നു പറഞ്ഞ് തന്നെ തെറ്റിദ്ധരിപ്പിച്ചെന്നായിരുന്നു ജോജു ജോര്‍ജിന്‍റെ ആരോപണം. സിനിമ ചിത്രീകരിക്കുന്ന സമയത്ത് തങ്ങളാരും ജോജുവിനെ തെറ്റിദ്ധരിപ്പിച്ചതായി ഓര്‍മയില്ലെന്നും ഭാഷയെക്കുറിച്ച് ‘തങ്കന്‍ ചേട്ടന്’ നന്നായി അറിയാമായിരുന്നുവെന്നും ലിജോയുടെ മറുപടിയില്‍ പറയുന്നു. ചിത്രത്തില്‍ അഭിനയിച്ചതിന്‍റെ പണം ഇതുവരെ തനിക്കു കിട്ടിയിട്ടില്ലെന്നും ജോജു ആരോപണം ഉന്നയിച്ചിരുന്നു.

അതിനിടെ, താന്‍ സിനിമയ്‌ക്കോ കഥാപാത്രത്തിനോ എതിരല്ലെന്നു വ്യക്തമാക്കി നടന്‍ ജോജു ജോര്‍ജും രംഗത്തെത്തി. ഫെസ്റ്റിവലിനുവേണ്ടി നിര്‍മിച്ച സിനിമയെന്നാണു പറഞ്ഞത്. അസഭ്യം ഇല്ലാത്ത ഭാഗം ഡബ്ബ് ചെയ്തിട്ടുണ്ടെന്നും ജോജു പറഞ്ഞു.

“സൗഹൃദത്തിന്‍റെ പുറത്താണ് ആ സിനിമ ചെയ്തത്. അത് ഫെസ്റ്റിവലിനുവേണ്ടി ഉണ്ടാക്കിയ സിനിമയാണെന്നാണ് എന്നോടു പറഞ്ഞത്.

പക്ഷേ, ഒടിടിയില്‍ അസഭ്യമുള്ള വേര്‍ഷനാണു വന്നത്. ഐഎഫ്എഫ്‌കെയില്‍ അസഭ്യമില്ലാത്ത വേര്‍ഷനാണു കാണിച്ചത്. പൈസ കൂടുതല്‍ കിട്ടിയപ്പോള്‍ അവര്‍ അസഭ്യമുള്ള വേര്‍ഷന്‍ ഒടിടിക്ക് വിറ്റു.
ആ സിനിമ തനിക്ക് വ്യക്തിജീവിതത്തില്‍ ഒരുപാട് പ്രശ്‌നങ്ങള്‍ ഉണ്ടാക്കി. തന്‍റെ മക്കള്‍ സ്‌കൂളില്‍ എത്തുമ്പോള്‍ മറ്റു കുട്ടികള്‍ ചിത്രത്തില്‍ താന്‍ അസഭ്യം പറയുന്നതിന്‍റെ ട്രോളുകള്‍ കാണിക്കുകയാണ്.

ഇതു കണ്ടതിനുശേഷം ആ സിനിമയില്‍ അച്ഛന്‍ അഭിനയിക്കേണ്ടിയിരുന്നില്ലെന്ന് മകള്‍ തന്നോടു പറഞ്ഞു. അത് ഒരു കുട്ടിയുടെ അഭിപ്രായമാണ്. ലിജോ ഇപ്പോള്‍ ഒരു തുണ്ട് കടലാസ് പുറത്തുവിട്ടല്ലോ. ഇനി എഗ്രിമെന്‍റുകൂടി പുറത്തുവിടണം. എത്രയായിരുന്നു എന്‍റെ ശമ്പളമെന്ന് അതു കാണിക്കുമ്പോള്‍ മനസിലാകും. അല്ലാതെ ഞാന്‍ സിനിമയ്‌ക്കോ കഥാപാത്രത്തിനോ എതിരല്ല.

അന്ന് എന്നെക്കൊണ്ട് അസഭ്യമില്ലാത്ത വേര്‍ഷന്‍ ഡബ്ബ് ചെയ്യിച്ചിരുന്നു. ഐഎഫ്എഫ്‌കെയില്‍ ചിത്രം പൂര്‍ണമായി പ്രദര്‍ശിപ്പിച്ചിരുന്നുവെങ്കില്‍ പിന്നീട് ഞാനതിനെപ്പറ്റി സംസാരിക്കുകപോലുമില്ലായിരുന്നു. ആ സിനിമ കാരണം എന്തൊക്കെ അനുഭവിച്ചിട്ടുണ്ടെന്ന് എനിക്കേ അറിയൂ”. പണമല്ല തന്‍റെ പ്രശ്‌നമെന്നും ജോജു കൊച്ചിയില്‍ നടത്തിയ പത്രസമ്മേളനത്തില്‍ പറഞ്ഞു.

19

E Paper

Deepika
E-Paper

Filter By Tag : Joju George

പണി 2 അല്ല, ഇത് വേറെ 'പരിപാടി'; ജോജുവിന്‍റെ പുതിയ സംവിധാനചിത്രത്തിന് തുടക്കം

‌മാസ് ആക്ഷനുമായി ജോജു, ഷാജി കൈലാസിന്‍റെ വരവ്; ടീസർ

ഷാജി കൈലാസിന്‍റെ വരവ് മേയ് ഒന്നിന്

സംഘട്ടനം ഒരുക്കുന്നത് ഏഴുപേർ ചേർന്ന്; ആക്ഷന് പ്രാധാന്യം നൽകി ഷാജി കൈലാസിന്‍റെ വരവ്

ബിജു മേനോൻ- ജോജു ജോർജ്- ജീത്തു ജോസഫ് ചിത്രം; വലതുവശത്തെ കള്ളൻ റിലീസിനൊരുങ്ങുന്നു

ബിജു മോനോനും ജോജു ജോർജും നേർക്കുനേർ; വലതു വശത്തെ കള്ളൻ പോസ്റ്റർ

ജോജു ജോർജ് - ഷാജി കൈലാസ് ചിത്രം 'വരവ്' പായ്ക്കപ്പായി

ജോജു ജോർജിനൊപ്പം ഉർവശി; "ആശ'ടൈറ്റിൽ ലോഞ്ച്

‘ചുരുളി’ സിനിമ വിവാദം: ജോജുവിന്‍റെ വാദം തള്ളി ലിജോ പെല്ലിശേരി

Latest News

CATEGORIES

FEATURING

RASHTRA DEEPIKA LTD

Dr. Francis Cleetus

Michael Vettickatt

George Kudilil

19

E Paper

DeepikaE-Paper

NEWS

SECTIONS

FEATURED

PUBLICATIONS

Important Links

Follow